ლევ ტოლსტოი ,,ანა კარენინა"

,,ადამიანები იმიტომ კი არ ცოცხლობენ, რომ საკუთარ თავზე ზრუნვა ასულდგმულებთ არამედ იმ სიყვარულის გამო რომელიც მათ მიმართ სხვა ადამიანებს აქვთ"- წერდა ლევ ტოლსტოი და ეს სიყვარული დიდ მწერალსა და რეალიზმის მიმდევარს არა მხოლოდ სიცოცხლეში არამედ გარდაცვალების შემდეგაც  არ მოჰკლებია. მეტიც, ლევ ტოლსტოი დღესაც ერთ-ერთ ბუმბერაზ მწერლად ითვლება და არა მხოლოდ თავის სამშობლოში.

მის კალამს ეკუთვნის ,,ანა კარენინა", რომელიც მთელს მსოფლიოში იმდენად პოპულარულია რომ ამ რომანის მიხედვით ოცზე მეტი ფილმი გადაიღეს. ნაწარმოები მაღალი წრის ქალბატონზე მოგვითხრობს, რომელსაც სრული ბედნიერებისათვის თითქოს ყველაფერი აქვს - სიმალაზე,ჰყავს საზოგადოებაში აღიარებული მეუღლე და ნიჭიერი შვილი, თუმცა იგი მაინც უბედურია. მოულოდნელად კი ანას ცხოვრებაში ჩნდება კაცი, რომელიც თავდაყირა აყენებს  მის ცხოვრებას, ეს გახლავთ ბრწყინვალე ოფიცერი, ალექსეი ვრონსკი.

ერნესტო ჩე გევარა ,,მოტოციკლისტის დღიური"

,,ჩე გევარა XX  საუკუნის ყველაზე სრულყოფილი ადამიანია"- ამ სიტყვებით მოიხსენიებს ერნესტო რაფაელ გევარა დელა სერნას ფრანგი ეგზისტენციალისტი ჟან-პოლ სარტრი. ჩე გევარა ანუ უბრალოდ ჩე, როგორც მას კუბაში ეძახდნენ, მეოცე საუკუნის ერთ-ერთი ყველაზე გამორჩეული ადამიანია. ის იყო კუბური რევოლუციის მეთაური ფიდელ კასტროსთან ერთად. სიკვდილის შემდეგ კი იგი რევოლუციური მოძრაობის სიმბოლო გახდა.

ჩეს ეკუთვნის წიგნი ,,მოტოციკლისტის დღიური", რომლის ავტორიცა და მთავარი პერსონაჟიც  თავად გახლავთ. მან ეს დღიური სტუდენტობის პერიოდში დაწერა. სამედიცინო უნივერსიტეტის ბოლო კურსის სტუდენტს ბეზრდება სწავლა და სამხრეთ ამერიკის გარშემო  იწყებს მოგზაურობას, მეგობარ ალბერტო გრანადოსთან ერთად. მათ ჰყავთ მოტოციკლეტი ,,დევგმირი", რომელსაც როსინანტს უწოდებენ.

ერიკ-ემანუელ შმიტი ,,ოსკარი და ვარდისფერი ქალბატონი"

,,უფალო ღმერთო,
მე მქვია ოსკარი, ათი წლის ვარ. ცეცხლი წავუკიდე კატას, ძაღლსა და სახლს (მგონი წითელი თევზებიც შიგ გამოვწვი). პირველად გწერ წერილს, რადგან აქამდე, სკოლის გადამკიდე, საკმარისი დრო არ მქონია".
ამ სიტყვებით იწყება ერიკ-ემანუელ შმიტის ნოველა ,,ოსკარი და ვარდისფერი ქალბატონი", რომელიც მისი ერთ-ერთი ყველაზე პოპულარული ნაწარმოებია ,,პილატეს სახარების" და ,,ნოეს შვილის" შემდეგ.

ფრანგი მწერავლი, ფილოსოფოსი, რეჟისორი ერიკ-ემანუელ შმიტი XXI საუკუნის შემოქმედი განსხვავდება თავისი ემოციური ნოველებით. ეს არის კაცი, რომელმაც თავისი ნაშრომით ჰომეროსი და ჯეიმს ჯონსი საფლავებში გადმოატრიალა.